కొటక్ మహీంద్రా గ్రూప్ కంపెనీలు, కోటక్ ఎడ్యుకేషన్ ఫౌండేషన్ సంయుక్తంగా CSR కార్యక్రమంలో భాగంగా ఆర్థికంగా వెనుకబడిన ప్రతిభావంతులైన బాలికల కోసం ‘కోటక్ కన్యా స్కాలర్షిప్ 2026-27’ను అందిస్తున్నాయి. ప్రొఫెషనల్ గ్రాడ్యుయేషన్ కోర్సుల్లో చేరిన విద్యార్థినులకు డిగ్రీ పూర్తయ్యే వరకు ప్రతి సంవత్సరం రూ.1.5 లక్షల వరకు ఆర్థిక సహాయం లభిస్తుంది.
అర్హతల వివరాలు:
12వ తరగతి బోర్డు పరీక్షల్లో కనీసం 75% మార్కులు లేదా సమానమైన CGPA సాధించి ఉండాలి.
2026-27 విద్యా సంవత్సరంలో NIRF/NAAC గుర్తింపు పొందిన విద్యాసంస్థల్లో ఇంజనీరింగ్, MBBS, ఆర్కిటెక్చర్, డిజైన్, ఇంటీగ్రేటెడ్ LLB వంటి ప్రొఫెషనల్ కోర్సుల మొదటి సంవత్సరంలో ప్రవేశం పొంది ఉండాలి.
కుటుంబ వార్షిక ఆదాయం రూ.6,00,000 కు మించకూడదు.
దరఖాస్తు విధానం:
అర్హత కలిగిన అభ్యర్థులు ఆన్లైన్ ద్వారా దరఖాస్తు చేసుకోవచ్చు. దరఖాస్తు చేసుకోవడానికి చివరి తేదీ సెప్టెంబర్ 30, 2026. పూర్తి వివరాలు మరియు ఆన్లైన్ దరఖాస్తు కోసం www.b4s.in/sen/KKGS5 వెబ్సైట్ను సందర్శించవచ్చు.
కోటక్ కన్యా స్కాలర్షిప్ 2026-27: బాలికలకు ఏడాదికి రూ.1.5 లక్షల ఆర్థిక సాయం
