ముంబైలోని నేవల్ డాక్యార్డ్ అప్రెంటిస్ స్కూల్ వివిధ ట్రేడ్లలో అప్రెంటిస్షిప్ శిక్షణ కోసం అర్హులైన అభ్యర్థుల నుంచి దరఖాస్తులను ఆహ్వానిస్తోంది. మొత్తం 283 ఖాళీలు అందుబాటులో ఉన్నాయి. ఇందులో నాన్-ఐటీఐ (2 ట్రేడ్లు), ఐటీఐ (30 ట్రేడ్లు) పూర్తిచేసిన పురుషులు మహిళలు దరఖాస్తు చేసుకోవడానికి అర్హులు.
ఎలక్ట్రీషియన్ (37), మెకానిక్ (61), ఫిట్టర్ (21), ఎలక్ట్రానిక్స్ మెకానిక్ (21), షిప్రైట్ వుడ్ (24), వెల్డర్ (19), మెరైన్ ఇంజిన్ ఫిట్టర్ (17), మెషినిస్ట్ (10) వంటి వివిధ విభాగాల్లో పోస్టులు ఖాళీగా ఉన్నాయి.
రిగ్గర్ ట్రేడ్కు 8వ తరగతి (50% మార్కులు), క్రేన్ ఆపరేటర్ ట్రేడ్కు 10వ తరగతి (50% మార్కులు) ఉత్తీర్ణత సాధించి ఉండాలి. మిగిలిన ట్రేడ్లకు సంబంధిత సబ్జెక్టులతో 10వ తరగతితో పాటు ఎన్సీవీటీ/ఎస్సీవీటీ ఐటీఐలో కనీసం 50% మార్కులతో ఉత్తీర్ణత కలిగి ఉండాలి. అభ్యర్థుల కనీస వయస్సు 18 సంవత్సరాలు నిండి ఉండాలి.
ఎంపికైన అభ్యర్థులకు అర్హతను బట్టి నెలకు రూ. 6,800 నుండి రూ. 9,600 వరకు స్టైపెండ్ చెల్లిస్తారు. అభ్యర్థుల విద్యా అర్హతల మెరిట్ ఆధారంగా షార్ట్లిస్ట్ చేసి, 100 మార్కులకు 2 గంటల వ్యవధిగల ఓఎంఆర్ (OMR) రాత పరీక్ష నిర్వహిస్తారు. అనంతరం ధ్రువపత్రాల పరిశీలన, వైద్య పరీక్షల ఆధారంగా తుది ఎంపిక ఉంటుంది.
ఆసక్తి గల అభ్యర్థులు https://www.apprenticeshipregistration.com అధికారిక వెబ్సైట్ ద్వారా ఆన్లైన్లో దరఖాస్తు చేసుకోవాలి. దరఖాస్తు హార్డ్ కాపీలను పోస్ట్ ద్వారా పంపాల్సిన అవసరం లేదు. ఎంప్లాయ్మెంట్ న్యూస్ ప్రకటన వెలువడిన (03.10.2026) 5వ రోజు నుండి ఆన్లైన్ దరఖాస్తులు ప్రారంభమై, 21వ రోజు రాత్రి 23:55 గంటల వరకు అందుబాటులో ఉంటాయి.
ముంబై నేవల్ డాక్యార్డ్ అప్రెంటిస్ స్కూల్లో 283 ఖాళీలు
