న్యూఢిల్లీ: ఇందిరా గాంధీ నేషనల్ ఓపెన్ యూనివర్సిటీ (IGNOU) జులై 2026 అడ్మిషన్ సైకిల్కు సంబంధించి ఆన్లైన్ ప్రోగ్రాముల్లో ప్రవేశాలకు దరఖాస్తు గడువును పెంచింది. 2026-27 విద్యా సంవత్సరంలో ఆన్లైన్ విధానంలో వివిధ అకాడమిక్ ప్రోగ్రాముల్లో ప్రవేశం పొందాలనుకునే అభ్యర్థులు సెప్టెంబరు 15 వరకు దరఖాస్తు చేసుకోవచ్చని తెలిపింది. అయితే ఈ పెంచిన గడువు సర్టిఫికేట్ ప్రోగ్రాములకు వర్తించదని పేర్కొంది.
అందుబాటులో ఉన్న కోర్సులు:
బ్యాచిలర్ డిగ్రీలు: బీఏ, బీకాం, బీసీఏ, బీబీఏ తదితరాలు.
మాస్టర్ డిగ్రీలు: ఎంఏ, ఎంకాం, ఎంసీఏ, ఎంబీఏ, ఎమ్మెస్సీ తదితరాలు.
ఇతర కోర్సులు: వివిధ స్పెషలైజేషన్లలో పీజీ డిప్లొమా, వృత్తి-నైపుణ్య ఆధారిత డిప్లొమా మరియు సర్టిఫికేట్ కోర్సులు.
దరఖాస్తు విధానం & సూచనలు:
ఆసక్తిగల అభ్యర్థులు అధికారిక పోర్టల్ ignouadmission.samarth.edu.in ద్వారా ఆన్లైన్లో దరఖాస్తు చేసుకోవాలి. దరఖాస్తు ప్రక్రియ ప్రారంభించే ముందు అభ్యర్థులు తమ APAAR ID సిద్ధంగా ఉంచుకోవాలని ఇగ్నో సూచించింది.
రిజిస్ట్రేషన్ చేసుకున్న తర్వాత కోర్సు ఎంపిక, వ్యక్తిగత మరియు విద్యా వివరాలను నమోదు చేసి, సరియైన ఫార్మాట్లో ఫోటో, సంతకం, సర్టిఫికేట్లను అప్లోడ్ చేయాల్సి ఉంటుంది. దరఖాస్తును సమర్పించే ముందు ‘Preview’ ఆప్షన్ ద్వారా వివరాలన్నీ పరిశీలించి నిర్ధారించుకోవాలి. రిజిస్ట్రేషన్ ఫీజు ఎట్టి పరిస్థితుల్లోనూ రీఫండ్ చేయబడదు కాబట్టి వివరాలను తనిఖీ చేసుకుని సెప్టెంబరు 15 లోగా దరఖాస్తు పూర్తి చేయాలి.
ఇగ్నో జులై 2026 అడ్మిషన్ల గడువు పొడిగింపు
