రాజస్థాన్‌లోని జైపూర్ రైల్వే రిక్రూట్‌మెంట్ సెల్ (RRC) – నార్త్ వెస్ట్రన్ రైల్వే (NWR) పరిధిలోని వర్క్‌షాప్‌లు, యూనిట్లలో 2,008 యాక్ట్ అప్రెంటిస్ ఖాళీల భర్తీకి ప్రకటన విడుదలైంది. ఎలక్ట్రీషియన్, ఫిట్టర్, వెల్డర్, కార్పెంటర్, డీజిల్ మెకానిక్ వంటి వివిధ ట్రేడులలో ఈ శిక్షణ అందిస్తారు. కనీసం 50% మార్కులతో 10వ తరగతి ఉత్తీర్ణత సాధించి, సంబంధిత ట్రేడులో ITI (NCVT/SCVT) సర్టిఫికేట్ కలిగి ఉండాలి. 06.11.2026 నాటికి 15 నుండి 24 సంవత్సరాల వయస్సు ఉండాలి (ఎస్సీ/ఎస్టీలకు 5 ఏళ్లు, ఓబీసీలకు 3 ఏళ్లు మినహాయింపు ఉంటుంది).
మెట్రిక్యులేషన్, ఐటీఐ మార్కులు, సర్టిఫికేట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు. దరఖాస్తు ఫీజు రూ. 100 కాగా, మహిళలు, ఎస్సీ, ఎస్టీ, దివ్యాంగులకు ఫీజు మినహాయింపు ఉంది.
ఆన్‌లైన్ దరఖాస్తులు ప్రారంభం 07.10.2026 నుంచి
దరఖాస్తుకు చివరి తేదీ 06.11.2026 వరకు చేసుకోవచ్చు
నార్త్ వెస్ట్రన్ రైల్వేలో 2,008 యాక్ట్ అప్రెంటిస్ ఖాళీలు
