తిరుమల తిరుపతి దేవస్థానములు (TTD) పాలనలోని శ్రీ వేంకటేశ్వర ఇన్సిస్టిట్యూట్ ఆఫ్ మెడికల్ సైన్సెస్ (SVIMS), తిరుపతి ప్రత్యక్ష నియమకాల ద్వారా స్టాఫ్ నర్స్ పోస్టుల భర్తీకి ప్రకటన విడుదల చేసింది. ఈ నోటిఫికేషన్ ద్వారా మొత్తం 236 పోస్టులను భర్తీ చేయనుండగా, వీటిలో 212 రెగ్యులర్ ఖాళీలు, 24 బ్యాక్లాగ్ ఖాళీలు ఉన్నాయి. అర్హులైన అభ్యర్థుల నుంచి ఆన్లైన్ ద్వారా దరఖాస్తులను ఆహ్వానిస్తున్నారు.
విద్యా అర్హతలు:
అభ్యర్థులు గుర్తింపు పొందిన యూనివర్సిటీ నుంచి బీఎస్సీ నర్సింగ్ (B.Sc Nursing) లో ఉత్తీర్ణులై, ఆంధ్రప్రదేశ్ నర్సింగ్ కౌన్సిల్లో రిజిస్ట్రేషన్ కలిగి ఉండాలి.
లేదా ఇంటర్మీడియట్ తో పాటు మూడేళ్ల జనరల్ నర్సింగ్ (GNM), ఆరు నెలల మిడ్వైఫరీ ట్రైనింగ్ పూర్తి చేసి, మెడికల్ కాలేజీ లేదా టెర్షియరీ కేర్ ఆసుపత్రిలో కనీసం 3 సంవత్సరాల పని అనుభవం ఉండాలి.
వయోపరిమితి & వేతనం:
వయోపరిమితి: 01-07-2026 నాటికి అభ్యర్థుల వయసు 18 నుంచి 42 ఏళ్ల మధ్య ఉండాలి.
వయోసడలింపు: ఎస్సీ (SC), ఎస్టీ (ST), బీసీ (BC), ఈడబ్ల్యూఎస్ (EWS) వర్గాలకు 5 ఏళ్లు మరియు పిడబ్ల్యూబీడీ (PwBD) అభ్యర్థులకు 10 ఏళ్ల వయోసడలింపు వర్తిస్తుంది.
వేతనం: ఎంపికైన అభ్యర్థులకు నెలకు రూ. 38,720 నుండి రూ. 1,18,390 వరకు వేతనం చెల్లిస్తారు.
ఎంపిక విధానం & దరఖాస్తు గడువు:
ఎంపిక విధానం: రాత పరీక్ష మరియు ఇంటర్వ్యూ ఆధారంగా అభ్యర్థుల ఎంపిక ఉంటుంది.
దరఖాస్తు విధానం: అర్హత గల అభ్యర్థులు ఆన్లైన్ విధానంలో దరఖాస్తు చేసుకోవాల్సి ఉంటుంది.
చివరి తేదీ: ఆన్లైన్ ద్వారా దరఖాస్తులు సమర్పించడానికి చివరి తేదీ ఆగస్టు 10, 2026.
స్విమ్స్ తిరుపతిలో 236 స్టాఫ్ నర్స్ పోస్టులు: ఆన్లైన్ దరఖాస్తులు ప్రారంభం
