ఆర్థికంగా వెనుకబడిన దివ్యాంగ విద్యార్థుల ఉన్నత విద్యకు చేయూతనందించేందుకు కోటక్ ఎడ్యుకేషన్ ఫౌండేషన్ (KEF) ‘కోటక్ సురక్ష స్కాలర్షిప్ (KSS)’ ను అందిస్తోంది. దేశవ్యాప్తంగా అండర్గ్రాడ్యుయేషన్ (డిగ్రీ) చదువుతున్న అర్హులైన విద్యార్థులకు కోర్సు పూర్తయ్యే వరకు ఏటా రూ. 1,00,000 ఆర్థిక సాయం అందుతుంది.
ఈ ఆర్థిక మొత్తాన్ని ట్యూషన్, హాస్టల్, ఇంటర్నెట్, రవాణా, ల్యాప్టాప్, పుస్తకాల ఖర్చులకు వినియోగించుకోవచ్చు. ఆర్థిక సహాయంతో పాటు మెంటరింగ్, స్కిల్స్ ట్రైనింగ్, అకడమిక్ సపోర్ట్ కూడా అందిస్తారు.
అర్హతలు:
వైకల్యం: 2016 దివ్యాంగుల హక్కుల చట్టం ప్రకారం కనీసం 40% లేదా అంతకంటే ఎక్కువ బెంచ్మార్క్ డిసేబిలిటీ ఉండాలి.
విద్యా అర్హత: 12వ తరగతి/హయ్యర్ సెకండరీలో కనీసం 50% మార్కులు సాధించి డిగ్రీలో చేరి ఉండాలి.
ఆదాయ పరిమితి: కుటుంబ వార్షిక ఆదాయం రూ. 6 లక్షల కంటే తక్కువగా ఉండాలి.
దరఖాస్తు వివరాలు:
అర్హత, ఆసక్తి ఉన్న విద్యార్థులు అవసరమైన ధ్రువపత్రాలతో ఆన్లైన్ ద్వారా దరఖాస్తు చేసుకోవచ్చు.
దరఖాస్తుకు చివరి తేదీ: 15 అక్టోబర్ 2026 వరకు చేసుకోవచ్చు.
కోటక్ సురక్ష స్కాలర్షిప్: దివ్యాంగ డిగ్రీ విద్యార్థులకు ఏడాదికి రూ. 1 లక్ష ఆసరా!
