ప్రస్తుత పోటీ ప్రపంచంలో ఉద్యోగం సాధించాలంటే కేవలం డిగ్రీ సర్టిఫికేట్లు మాత్రమే సరిపోవు. ప్రాక్టికల్ అనుభవం, పని నైపుణ్యాలు ఎంతో ముఖ్యం. సాధారణంగా ఇంటర్న్షిప్పులు ఆరు నెలల నుండి ఏడాది పాటు ఉంటాయి. అయితే చదువుకుంటూనే అంత సమయం కేటాయించడం అందరికీ సాధ్యం కాదు. ఈ సమస్యకు చక్కటి పరిష్కారంగా నేడు ‘మైక్రో ఇంటర్న్షిప్పులు’ అందుబాటులోకి వచ్చాయి.
మైక్రో ఇంటర్న్షిప్పులు అంటే స్వల్పకాలికంగా, కొన్ని గంటలు లేదా కొద్ది రోజుల్లో పూర్తయ్యే చిన్న చిన్న ప్రాజెక్టులు, అసైన్మెంట్లు. విద్యార్థులు తమ చదువుకు ఎలాంటి అంతరాయం కలగకుండా ఇంటి నుంచే రిమోట్గా లేదా ఆన్లైన్ విధానంలో వీటిని చేయవచ్చు. ఉదాహరణకు—ఒక సంస్థకు సోషల్ మీడియా కంటెంట్ ప్లాన్ చేయడం, చిన్న డేటా సెట్లను విశ్లేషించడం, వెబ్సైట్ ఫీచర్లను పరీక్షించడం లాంటి ప్రాజెక్టులు ఇందులో ఉంటాయి.
వీటి ద్వారా టైమ్ మేనేజ్మెంట్, కమ్యూనికేషన్, ప్రెజెంటేషన్, ప్రాబ్లమ్ సాల్వింగ్ వంటి సాఫ్ట్ స్కిల్స్ పెరుగుతాయి. అంతేకాకుండా, విద్యార్థులు తాము చేసిన పని ఆధారంగా ఒక బలమైన ‘ప్రాజెక్టు పోర్ట్ఫోలియో’ను నిర్మించుకోవచ్చు. గడువులోగా ప్రాజెక్టులను పూర్తి చేయడం వల్ల కొన్ని సంస్థలు ‘రిఫరెన్స్ లెటర్లు’ కూడా అందిస్తాయి. ఇవి భవిష్యత్తులో ఫుల్-టైమ్ ఉద్యోగం సాధించడానికి లేదా రెగ్యులర్ ఇంటర్న్షిప్ పొందేందుకు ఎంతగానో ఉపయోగపడతాయి.
AI (కృత్రిమ మేధ) యుగంలో టెక్నికల్ మరియు ప్రాక్టికల్ నైపుణ్యాలకే అత్యంత ప్రాధాన్యం పెరుగుతోంది. పార్కర్ డెవే (Parker Dewey), ఇంటర్న్శాల (Internshala), ఫారేజ్ (Forage), ఏఐసీటీఈ (AICTE) నేషనల్ ఇంటర్న్షిప్ పోర్టల్ వంటి వివిధ వేదికల ద్వారా విద్యార్థులు ఈ అవకాశాలను పొంది తమ కెరీర్ను సులభంగా మలుచుకోవచ్చు.
కెరీర్కు బాటలు.. ‘మైక్రో ఇంటర్న్షిప్పులు’!
