హైదరాబాద్లోని జవహర్లాల్ నెహ్రూ ఆర్కిటెక్చర్ అండ్ ఫైన్ ఆర్ట్స్ యూనివర్సిటీ (JNAFAU) 2026 విద్యా సంవత్సరానికి గాను రెండేళ్ల మాస్టర్ ఆఫ్ ఫైన్ ఆర్ట్స్ (MFA) కోర్సుల్లో ప్రవేశాలకు నోటిఫికేషన్ విడుదల చేసింది. ఇందులో అప్లైడ్ ఆర్ట్ & విజువల్ కమ్యూనికేషన్ (20 సీట్లు), ఫోటోగ్రఫీ & మీడియా కమ్యూనికేషన్ (15 సీట్లు), పెయింటింగ్ (15 సీట్లు), మరియు స్కల్ప్చర్ (6 సీట్లు) విభాగాలు అందుబాటులో ఉన్నాయి. సంబంధిత విభాగంలో 4 ఏళ్ల బీఎఫ్ఏ డిగ్రీ ఉన్నవారు దరఖాస్తు చేసుకోవడానికి అర్హులు. రాత పరీక్ష, ప్రాక్టికల్/పోర్ట్ఫోలియో, ఇంటర్వ్యూల ఆధారంగా ఎంపిక ప్రక్రియ ఉంటుంది. ప్రవేశ పరీక్ష కేవలం హైదరాబాద్లోని JNAFAU క్యాంపస్లో మాత్రమే జరుగుతుంది.
ఆసక్తి గల అభ్యర్థులు అప్లికేషన్ ఫారమ్, సర్టిఫికెట్లు, డిమాండ్ డ్రాఫ్ట్ (DD)లతో విశ్వవిద్యాలయ కార్యాలయంలో నేరుగా సమర్పించాలి. ఆలస్య రుసుము లేకుండా దరఖాస్తు చేయడానికి చివరి తేదీ అక్టోబర్ 12, 2026 కాగా, రూ.2,000 ఆలస్య రుసుముతో అక్టోబర్ 17 వరకు దరఖాస్తు చేయవచ్చు
JNAFAUలో మాస్టర్ ఆఫ్ ఫైన్ ఆర్ట్స్ ప్రవేశాలు 2026
