ఆర్థికంగా వెనుకబడిన, ప్రతిభావంతులైన విద్యార్థులను ఆదుకునేందుకు కేంద్ర ప్రభుత్వం అమలు చేస్తున్న ‘నేషనల్ మీన్స్ కమ్ మెరిట్ స్కాలర్షిప్ (NMMS) 2026’ ప్రకటనను ఆంధ్రప్రదేశ్ డైరెక్టరేట్ ఆఫ్ గవర్నమెంట్ ఎగ్జామినేషన్స్ (ఏపీ బోర్డ్ ఆఫ్ సెకండరీ ఎడ్యుకేషన్) తాజాగా విడుదల చేసింది. 8వ తరగతి తర్వాత పేద విద్యార్థులు చదువును మధ్యలోనే ఆపేయకుండా (డ్రాపౌట్ కాకుండా) ప్రోత్సహించడం ఈ పథకం ప్రధాన ఉద్దేశం. ఈ స్కాలర్షిప్నకు ఎంపికైన విద్యార్థులకు 9వ తరగతి నుంచి ఇంటర్మీడియట్ వరకు నెలకు రూ.1,000 చొప్పున ఏటా రూ.12,000 ఆర్థిక సాయం అందుతుంది. దేశవ్యాప్తంగా ప్రతి ఏటా 1,00,000 మందిని ఎంపిక చేస్తుండగా, ఆంధ్రప్రదేశ్కు 4,087 స్కాలర్షిప్లు కేటాయించారు.
ప్రభుత్వ, స్థానిక సంస్థల, ఎయిడెడ్, మోడల్ పాఠశాలల్లో (నివాస సౌకర్యం లేని) 8వ తరగతి చదువుతున్న విద్యార్థులు అర్హులు. 7వ తరగతిలో 55% మార్కులు సాధించి ఉండాలి. కుటుంబ వార్షిక ఆదాయం రూ.3,50,000 మించకూడదు. ఈ పరీక్షను 2026 నవంబరు 15న (ఆదివారం) ఉదయం 10:00 నుండి మధ్యాహ్నం 1:00 గంట వరకు అన్ని రెవెన్యూ డివిజన్ కేంద్రాల్లో నిర్వహించనున్నారు. ఆన్లైన్ దరఖాస్తులు సెప్టెంబరు 11, 2026న ప్రారంభమయ్యాయి. సంబంధిత ప్రధానోపాధ్యాయుల ద్వారా ఆన్లైన్లో దరఖాస్తు చేసుకోవడానికి అక్టోబరు 12, 2026 చివరి తేదీ. అభ్యర్థులు పూర్తి వివరాల కోసం బోర్డు అధికారిక వెబ్సైట్ను చూడగలరు.
ఎన్ఎంఎంఎస్ స్కాలర్షిప్ 2026 నోటిఫికేషన్ విడుదల అర్హులైన విద్యార్థుల నుంచి దరఖాస్తుల ఆహ్వానం
