ఎస్‌ఎమ్‌ఎల్ మహీంద్రా లిమిటెడ్ సంస్థ ప్రతిభావంతులైన బాలికా విద్యార్థులకు ఆర్థిక సాయం అందించేందుకు ‘ఎస్‌ఎమ్‌ఎల్ మహీంద్రా స్కాలర్‌షిప్ ప్రోగ్రామ్ 2026-27’ ప్రారంభించింది. ‘SML Sarthi’, ‘SML Unnati’ అనే విభాగాల ద్వారా ఎంపికైన విద్యార్థినులకు గరిష్టంగా రూ. 30,000 వరకు స్కాలర్‌షిప్ అందిస్తారు. భారీ, తేలికపాటి వాణిజ్య రవాణా వాహనాలు లేదా బస్సుల డ్రైవర్ల కుమార్తెలు ఈ స్కాలర్‌షిప్‌కు అర్హులు. 11, 12 తరగతులతో పాటు STEM, కోర్ ఇంజనీరింగ్ విభాగాల్లో డిప్లొమా, పాలిటెక్నిక్, డిగ్రీ కోర్సులు చదువుతున్న బాలికలు దరఖాస్తు చేసుకోవచ్చు. దరఖాస్తుదారులకు మునుపటి విద్యలో కనీసం 60% మార్కులు ఉండాలి, అలాగే కుటుంబ వార్షిక ఆదాయం రూ. 6 లక్షలకు మించకూడదు. ఆసక్తి గల విద్యార్థినులు www.b4s.in/yeks/SMLS1 వెబ్‌సైట్ ద్వారా ఆన్‌లైన్‌లో దరఖాస్తు చేయాల్సి ఉంటుంది. దరఖాస్తుకు చివరి తేదీ: 21 అక్టోబర్ 2026
బాలికలకు ఎస్‌ఎమ్‌ఎల్ మహీంద్రా స్కాలర్‌షిప్ ప్రోగ్రామ్ 2026-27
