ఆంధ్రప్రదేశ్ ప్రభుత్వం నిరుద్యోగులకు తీపి కబురు అందిస్తూ 10,060 ఉద్యోగాల భర్తీకి జాబ్ క్యాలెండర్ 2026ను విడుదల చేసింది. నాలుగు దశల్లో వివిధ శాఖల్లోని ఖాళీలను భర్తీ చేయనున్నట్లు ఆర్థిక శాఖ ఉత్తర్వులు జారీ చేసింది.
ఇందులో గ్రూప్-1 (149), గ్రూప్-2 (673), విద్యాశాఖ/డీఎస్సీ (2,995 టీచర్ పోస్టులు)తో పాటు పోలీస్, ఫైర్, జైళ్లు, అటవీ, పశుసంవర్ధక, ఎక్సైజ్, ఇంజనీరింగ్, విద్యుత్ శాఖల్లో ఖాళీలను భర్తీ చేస్తారు.
దశలవారీగా నోటిఫికేషన్ల వివరాలు:
తొలి దశ ఉన్నత విద్యాశాఖ పరిధిలోని 1,523 పోస్టులకు మే 15నే నోటిఫికేషన్ ఇచ్చి ప్రక్రియ ప్రారంభించారు.
రెండో దశ సెప్టెంబర్ 15న 3,231 పోస్టులకు నోటిఫికేషన్ జారీ కానుంది. దీని ద్వారా గ్రూప్-1, పోలీస్, అటవీ, పశుసంవర్ధక శాఖల్లో ఖాళీలు భర్తీ అవుతాయి.
మూడో దశ అక్టోబర్ 15న 2,311 పోస్టులకు నోటిఫికేషన్ విడుదల చేస్తారు. ఇందులో గ్రూప్-2, ఎక్సైజ్, ఇంజనీరింగ్, విద్యుత్ పోస్టులు ఉంటాయి.
నాలుగో దశ అక్టోబర్ 15న 2,995 పోస్టులకు డీఎస్సీ నోటిఫికేషన్ ఇచ్చి టీచర్ పోస్టులను భర్తీ చేయనున్నారు.
10,060 పోస్టులతో ఏపీ జాబ్ క్యాలెండర్ 2026 విడుదల
