ఆంధ్రప్రదేశ్ స్టేట్ జ్యుడీషియల్ సర్వీస్‌‌లో 119 సివిల్ జడ్జి (జూనియర్ డివిజన్) పోస్టుల భర్తీకి అమరావతిలోని ఏపీ హైకోర్టు నోటిఫికేషన్ విడుదల చేసింది. లా డిగ్రీ ఉత్తీర్ణతతో పాటు హైకోర్టు లేదా జ్యుడీషియరీ పరిధిలోని విభాగాల్లో పనిచేస్తున్న అభ్యర్థులు దీనికి అర్హులు.
అభ్యర్థుల వయోపరిమితి 01.09.2026 నాటికి 35 ఏళ్లు దాటకూడదు. ఎంపికైన వారికి నెలకు రూ.77,840 నుంచి రూ.1,36,520 వరకు వేతనం లభిస్తుంది. స్క్రీనింగ్ టెస్ట్, రాత పరీక్ష మరియు మౌఖిక పరీక్ష (ఇంటర్వ్యూ) ద్వారా అభ్యర్థులను ఎంపిక చేస్తారు.
ఓసీ, బీసీ, ఈడబ్ల్యూఎస్ అభ్యర్థులకు ఫీజు రూ.1500 కాగా, ఎస్సీ, ఎస్టీ, దివ్యాంగులకు రూ.750గా నిర్ణయించారు. అర్హులైన అభ్యర్థులు అక్టోబరు 26, 2026 వరకు ఆన్‌లైన్‌లో దరఖాస్తు చేసుకోవచ్చు.
ఆంధ్రప్రదేశ్ హైకోర్టులో 119 సివిల్ జడ్జి ఉద్యోగాలు
