ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్ (ఎయిమ్స్) గోరఖ్‌పూర్ వివిధ విభాగాల్లో ఖాళీగా ఉన్న గ్రూప్-ఎ ఫ్యాకల్టీ పోస్టుల భర్తీకి నోటిఫికేషన్ విడుదల చేసింది. డైరెక్ట్ రిక్రూట్‌మెంట్, డెప్యూటేషన్, కాంట్రాక్ట్ ప్రాతిపదికన మొత్తం 68 పోస్టులను భర్తీ చేయనున్నారు.
వీటిలో ప్రొఫెసర్ (18), అడిషనల్ ప్రొఫెసర్ (08), అసోసియేట్ ప్రొఫెసర్ (24), అసిస్టెంట్ ప్రొఫెసర్ (18) ఖాళీలు ఉన్నాయి. అనస్థీషియా, కార్డియాలజీ, డెర్మటాలజీ, జనరల్ మెడిసిన్, జనరల్ సర్జరీ, న్యూరాలజీ, పీడియాట్రిక్స్ వంటి పలు విభాగాల్లో ఈ నియామకాలు జరుగుతాయి.
సంబంధిత విభాగంలో MBBS, MD, DNB, MCh అర్హతలతో పాటు టీచింగ్ లేదా ప్రొఫెషనల్ అనుభవం ఉన్న అభ్యర్థులు ఈ పోస్టులకు అర్హులు. అభ్యర్థుల ఎంపికను కేవలం ఇంటర్వ్యూ ఆధారంగానే నిర్వహిస్తారు. ఆసక్తి ఉన్న అర్హులైన అభ్యర్థులు అధికారిక వెబ్‌సైట్ (https://aiimsgorakhpur.edu.in) ద్వారా ఆన్‌లైన్‌లో దరఖాస్తు చేసుకోవాల్సి ఉంటుంది. దరఖాస్తు దాఖలు చేయడానికి 2026 అక్టోబర్ 13 ను చివరి తేదీగా నిర్ణయించారు.
ఎయిమ్స్ గోరఖ్‌పూర్‌లో 68 ఫ్యాకల్టీ పోస్టుల భర్తీకి నోటిఫికేషన్
