వైద్య విద్య ప్రవేశాల కోసం నిర్వహించే నీట్ (NEET) పరీక్షల్లో ఇప్పటివరకు ఉన్న పెన్, పేపర్ విధానానికి స్వస్తి పలికి, ఆన్‌లైన్ (CBT) విధానంలో నిర్వహించేందుకు కేంద్ర ప్రభుత్వం సన్నాహాలు చేస్తోంది. నీట్ పేపర్ లీక్ ఆరోపణలు, విద్యార్థులు మరియు తల్లిదండ్రుల నుంచి వచ్చిన తీవ్ర నిరసనల నేపథ్యంలో కేంద్ర విద్యా మంత్రిత్వ శాఖ ఈ నిర్ణయం దిశగా అడుగులు వేస్తోంది.
పరీక్షా వ్యవస్థను ప్రక్షాళన చేయడానికి నందన్ నిలేకని అధ్యక్షతన ఏర్పాటు చేసిన టాస్క్‌ఫోర్స్ నుంచి తుది నివేదిక వచ్చిన తర్వాత దీనిపై అధికారిక నిర్ణయం తీసుకోనున్నారు. JEE-Mains, CUET వంటి పరీక్షల తరహాలోనే నీట్‌ను కూడా ఆన్‌లైన్‌లో పారదర్శకంగా నిర్వహించాలని కేంద్రం భావిస్తోంది.
నీట్ ప్రవేశ పరీక్షల్లో మార్పులు ఆన్‌లైన్ విధానం వైపు కేంద్రం మొగ్గు
